( خالد) لو ان الزمن ياكـل  شعيـر

                       مات الزمن جـوع.. والدنيـا عبـر

لكـن عسـى الله يعديهـا  بـخيـر

انقذت الامواج.. واغرقني ( شبـر )!

كتبت لين انصـف الفصـل  الأَخيـر

طار الورق / قمت.. طيّحت الحبـر!!

طاحوا من العين ( ياخالد )..  كثيـر

من شين الايـام .. والوقـت الغبـر

( كانوا زُرافات كـالبحـرْ الغزيـر..

قبـل يولـون يمتـنـا الـدُبـر )..

كنت اعتبرني وانـا اكبـر / صغيـر

صغـرت بعيونهـم حقـد وكـبـر!!

كشفتهم فكر.. قالـوا لـي: خطيـر!

دفنتهم شعر سـووا لـي ( قبـر )..

طاحوا من العين ( ياخالد )..  كثيـر

من شين الايـام .. والوقـت الغبـر

حتى حبيبـي تـرك قلبـي  حسيـر

قلت : ( افترقنا.. ) وماصدّق خبر..!!

اقفى.. وانا صعب اجي عنده /  كسير

وعجـزت لانسـاه.. يالله الصـبـر

الوقـت جايـر / ولانـي  مستجيـر

وهذا الكـلام.. الأَخيـر /  المعتبـر

خلاص ماعاد فـي هالوقـت  خيـر

صار الزمن غيـر / والدنيـا  عبـر