شهر واسبوع والله ماتحمّلت الفـراق  سبـوع

                             انا بامشي واذا الله كاتـبٍ لـي شـي يلقانـي

من اْوّلها خطأ.. لكنّْ عذراً والخطـا  مرجـوع

وانا عذري فراشـات الولـه قامـت تحدانـي

تطير وتنتشر في كل احمـر داخلـي مـزروع

تبللني بنفسج ليـن ماتلعـب علـى اغصانـي

تعبت اعد ساعات استلامي لين اجـي ميقـوع

تعبت آعيد لحظـات الـوداع اللـي  تقهوانـي

انا من وين جيت / وجبتني ياحظي  الموجـوع

انا وشلون اروح .. الا لانك طحـت ماامدانـي

الاياحظ خذني قـد عقلـي وافهـم الموضـوع

ابيك تكون صفي لوشهر تكفـى علـى شانـي

وانا في ذمة اللي تحت ظلّه مالحقنـي  جـوع

وانا في ذمتي بعض القلـوب اللـي  تحرانـي

حبيبي والله ان الحب نعمه والحيـا..  متبـوع

وانا لـولاي احبـك ماتكبّـدت العنـا  عانـي

واذا كانت صعوبة شوفتي لك مثل حب الكوع !!

تبي تبقى كثير وصورتك فـي داخـل  اعيانـي

حبيبي وكل الله وانـت تـدري يافريـد النـوع

بانـي مستحيـل احـب غيـرك واحـدٍ ثانـي

وعن غيرك تطمن دون قلبي لوحة  الممنوع!!

مسويهـا لانـي مافتحـت القلـب  مجـانـي

انااكبر مستحيل اقولها في صوتـي المسمـوع

على غيرك حبيبي / وانت تجري وسط  شرياني

مادام الله رزقني طيبتك يااطهر مـن  الينبـوع

طبيعي لو بجيك من البحر والملـح مااروانـي

( قليلك في عيونك).. لوتجي للصدق يالدلـوع

كثيـر وتمتليـه عيونـي الثنتيـن بجفـانـي

سموّك بالتواضع يرفعك ياجيت لـي بخضـوع

اشيلك في عيونـي واتـرك الباقـي لوجدانـي

مكانك يالغلا دونه حمايه من ثمـان  ضلـوع

ولاهو بأي قلب / اللي سكنته قلب ( زقعاني  )

يكفّيك ان صالح شاعـرك ياحبّـه المشـروع

وانا لو ماوفيت لحب مثلك قلت وش جانـي؟!!

قسم بالله لو مالي امل / والا الرجاااا  مقطـوع

لجنّني قصيـده عاقلـه تبكـي علـى جنانـي

بجيك وفي يدي لعيونك الثنتين خمس  شمـوع

يولعها اشتياقي من عطـر خمسـك وتدفانـي

بجيك وكان ودي لو معـي ديوانـي المطبـوع

بشوفك وانت تتأمـل كثيـرك وسـط ديوانـي